Beannachtaí na Cásca ó Easpag Mícheál
“Sa deireadh, beidh an bua ag solas ar an dorchadas, grá ar an bhfuath, maitheas ar an olc agus beatha ar an marbh."
Fírinne Dhomhain
Gach aon
bhliain, agus muid ag ceiliúradh na Cásca, cuirtear fírinne dhomhain os
ár gcomhair - fírinne, b’fhéidir, ar gá dúinn a chloisteáil inniu níos
mó ná riamh. Cé go mbíonn sé deacair orainn uaireanta, a thuiscint,
fágann Aiséirí Íosa Críost muid gan aon amhras sa deireadh go mbeidh an
bua ag solas ar an dorchadas, grá ar an bhfuath, maitheas ar an olc agus
beatha ar an marbh.
Domhan achrannach
Is
pointe an-tábhachtach é, ach go háirithe d’ár ndomhan inniu atá
achrannach ar go leor bealaí. Ní féidir liom ach smaoineamh ar thalamh
Gaza báite i bhfuil, an Úcráin agus áiteanna eile atá i mbun cogaidh
agus foréigin. Meabhraítear dom an fuath agus an deighilt a fhágann
lorg ar ár ndomhan. Smaoiním ar an dídeanaí agus an t-imirceach. Ar an
scáth a fhágann athrú aeráide. Ar an streachailt atá ann le greim a
choinneáil ar chostas maireachtála. Smaoiním oraibh siúd atá in ísle
brí, atá ag déanamh bróin dá dhaoine muinteartha, dóibh siúd nach bhfuil
áit cónaithe acu. Dóibh siúd atá tinn nó daoine muinteartha leo tinn.
Bí muiníneach - bíodh dóchas agaibh!
Gach
aon bhliain, gaireann Ceiliúradh na Cásca ar phobal creidimh chun
muiníne - chun dóchais a bheith acu. Go leor blianta ó shin, um Cháisc,
bhain an mhaith an lámh in uachtar ar an olc. Is cuma cé chomh dorcha
atá sé -tiocfaidh an solas i gcónaí, bainfidh an mhaith bua ar an olc i
gcónaí agus beidh Dia na beatha i gcónaí i réim.
Bí mar fhoinse dóchais trí ghníomh!
Gach
aon bhliain, gaireann Ceiliúradh na Cásca orainn chun gnímh. Is féidir
linn, ar nós na céad dheisceabail, domhan níos fearr a chothu tríd an
teachtaireacht seo a roinnt, ní amháin i bhfocail ach inár gníomhartha.
Is é mo ghuí an Cháisc seo, go ndéanfaidh muid cinneadh a bheith mar
fhoinse dóchais trí ghníomh. Go ndéanfaidh muid iarracht a bheith mar
sholas sa dorchadas, a bheith ina mhaith san olc, go ndéanfaidh muid
iarracht a bheith dóchasach i measc éadóchais. Ná lig sinn éirí
tuirseach de labhairt ar son na síochána áit atá cogadh nó an bheatha a
cheiliúradh i láthair an bháis. Lig sinn freastal ar dhaoine in ionad
iad a bhrú uainn, tabhairt nuair is féidir linn a thabhairt, cabhrú
nuair is féidir linn a bheith cabhrach, a bheith cineálta nuair is
féidir linn a bheith cineálta. Lig sinn a bheith mar léaró dóchais
Chríostaí de chuid an 21ú hAois. Bíodh muid mar theach solais dhaonna ag
treorú daoine ar bhealach níos fearr i measc dorchadais ár ndomhan.
“Níl Sé anseo! Tá Sé aiséirithe! Tá Sé ag dul romhaibh go dtí an
Ghailíl!” (Matha 28)
Beannachtaí na Cásca oraibh!
+ Mícheál Ó Duibhgeannáin
Easpag Chluain Fearta
Easpag na Gaillimhe agus Chill Mhic Dhuach
Riarthóir Aspalda Chill Fhionnúrach